Kandidati i Partisë Socialiste për Bashkinë Vlorë, Ermal Dredha zhvilloi një takim me mësuesit e shkollave të qytetit. Gjatë takimit u evidentuan dhe problematikat që mësuesit hasin përsa i përket infrastrukturës së shkollave.

Gjatë fjalës së tij, Kandidati Dredha u shpreh se në mandatin e tij për Bashkinë e Vlorës do të ketë objektiv që të fillojë procesin e rikonstruksionit dhe ndërtimit të shkollave.

“Sigurisht që jo të gjitha shkollat mund të bëhen në një mandat, por ne duhet të vendosim një filozofi shumë të qartë se ku duam ta çojmë vlorën sa i përket arsimit. Do të vendosim objektiv që të kemi të paktën 4 shkolla që do të rikonstruktohen.” – u shpreh Ermal Dredha.

Gjithashtu z. Dredha vendosi në vëmëndje dhe paisjen e shkollave me ngrohje që është një problematikë ndër vite, por gjithashtu dhe për krijimi e hapësirave të aftësimit për nxënësit.

Shumë shkolla nuk kanë ngrohje, ashtu sikurse nuk ka materiale didaktike aq sa duhet, apo palestra dhe ne do të punojmë ti ndërtojmë ato. E këtë e them jo pa qëllim sepse fëmijët duhet të krijojnë një model ndryshe se si rriten dhe ai modeli ndryshe është fokusuar në një orientim që i bën ata më vizionar për të ardhmen e tyre.

Ermal Dredha u shpreh gjithashtu dhe mbi problematikën që aktualisht kanë fshatrat me shkollën, ku premtoi se gjatë mandatit të tij do të punojë për krijimin e ndërtimit të shkollave të bashkuara.

“Duhet të krijojmë një sistem më ndërveprues mes fshatit dhe qytetit, sepse ka edhe fshatra që kanë probleme, nuk kanë shkolla apo kanë pak nxënës. Do të krijojmë edhe një model që të ndërtojmë shkolla pak më të mëdha ku mund të bashkohen disa fshatra bashkë.”

Në drejtimin e tij në Bashkinë e Vlorës Dredha gjithashtu u shpreh se do të punojë që transporti urban të jetë falas për nxënësit dhe studentët.

Ermal Dredha, kandidati i Partisë Socialiste për Bashkinë e Vlorës u takua me banorët e Rajonit 1 në qytetin e Vlorës. Gjatë takimit Dredha theksoi angazhimin e tij për përmirësimin e infrastrukturës së lagjeve.

Gjatë fjalës së tij Dredha theksoi domosdoshmërinë për përmirësimin e infrastrukturës në lagjen “4 Heronjtë”. Ai deklaroi se nuk është thjesht një premtim, por një detyrim për Bashkinë që të rregullojë sa më shpejt rrugët në këtë zonë. Dredha siguroi se si ai ashtu edhe e gjithë administrata e Bashkisë do të jenë të përkushtuar në përmbushjen e këtij detyrimi.

“Jam shume falënderues që ju shoh të shumtë në numër, ashtu si dhe Partia Socialiste nuk është vetëm në Vlorë por në të gjithë Shqipërinë. Jemi gjithmonë të parët.”- tha Dredha

“Kam qenë tek lagjja “4 Heronjtë”, është detyrim jo premtim, detyrim i Bashkisë që ato rrugë të bëhen sa më shpejt dhe ky është premtimi i Ermalit dhe i gjithë administratës së Bashkisë.”- vijoi ai.

Gjithashtu, Dredha foli edhe për problematikat me të cilat përballen banorët e rrugës Partizani, veçanërisht për fasadat e rrënuara të ndërtesave. Ai zbuloi planet për të nisur një projekt rehabilitimi për të sistemuar pamjen e zonës.

“Edhe te rruga “Partizani” ka probleme tek fasadat e pallateve, për të cilat do të fillojmë një projekt që ti rehabilitojmë, ashtu siç i ka hije asaj lagjeje” – u shpreh Ermal Dredha.

Dredha në fjalën e tij theksoi gjithashtu rëndësinë e krijimit të hapësirave rekreative për fëmijët dhe të moshuarit, duke u zotuar se do të bëjë gjithçka që ka për të siguruar jetësimin e tyre.

“Ne do të bëjmë maksimumin që të ketë hapësira argëtimi për fëmijët dhe për moshat e treta, të cilët të kenë mundësinë të argëtohen. Vlora duhet të jetë e të gjithëve, duhet të jetë gjithëpërfshirëse dhe për këtë unë premtoj që çdo funksionar i bashkisë do të japë maksimumin.” – përfundoi kandidati i Partisë Socialiste për Vlorën.

Ermal Dredha, kandidati i Partisë Socialiste për qytetin e Vlorës, zhvilloi një takim me qytetarët në lagjen 24 Maji për të diskutuar shqetësimet dhe idetë e tyre për përmirësimin e komunitetit. Dredha theksoi rëndësinë e vendosjes së qytetarëve në radhë të parë dhe u zotua të krijojë një politikë të dyerve të hapura në Bashkinë e Vlorës për t’i shërbyer më mirë nevojave të qytetarëve.

“Në Bashkinë e Vlorës do gjeni një derë të hapur në Bashkinë e Vlorës, që do të jetë në shërbim të qytetarit ashtu si është dhe motoja jonë, i pari është qytetari dhe më pas vijnë ata që drejtojnë”, tha Dredha. “Jeni ju që na zgjidhni ne, që jemi thjesht kalimtarë. Nga Ermali apo shumë të tjerë që mund të jenë kryetarë bashkie, si dhe skuadra që do të punojë me ne.”

Dredha theksoi rëndësinë e dëgjimit të komenteve dhe kritikave të qytetarëve për të përmirësuar efektivitetin e qeverisjes vendore. Ai u bëri thirrje qytetarëve që të jenë zë aktiv për bashkinë, duke theksuar se reagimet e tyre janë vendimtare për formësimin e vizionit të qeverisë.

“Dhe e vetmja mënyrë për ta çuar Vlorën përpara është që ju të jeni zëri dhe veshi ynë. Të jeni kritika jonë”, tha Dredha. “Sepse nga kritikat tuaja ne mund ta bëjmë punën tonë më mirë dhe të paraqesim vizionin që ka qeveria”.

Takimi me qytetarët në lagjen 24 Maji përfshiu një gamë të gjerë temash diskutimi, duke përfshirë përmirësimin e infrastrukturës, zhvillimin e komunitetit dhe bizneset lokale. Dredha u zotua se do t’i japë prioritet këtyre çështjeve dhe do të punojë me qytetarët për të krijuar një të ardhme më të mirë për Vlorën.

“Ne jemi të përkushtuar për krijimin e një Bashkie të Vlorës transparente, efikase dhe të përgjegjshme ndaj nevojave të qytetarëve”, tha Dredha. “Jam mirënjohës për mundësinë që të dëgjoj nga njerëzit e lagjes 24 Maji dhe mezi pres të punojmë së bashku për ta bërë Vlorën qytet sa më të mirë për të gjithë”.

Lagja 24 Maj në muajt në vazhdim do të ketë në hapësirat e veta një kënd lojërash për fëmijët. Ndërkaq do të bëhen investime dhe në Kopshtin nr. 1 i cili do të rikonstruktohet tërësisht.

Ermal Dredha, kandidati i Partisë Socialiste, zhvilloi takime me banorët në fshatrat Dellenje, Delisuf dhe Poro për të trajtuar çështjet që prekin komunitetin lokal si edhe për të diskutuar planin që ai do të ketë për katër vitet e ardhshme në Bashkinë e Vlorës.

Gjatë takimeve Dredha dëgjoi shqetësimet e qytetarëve dhe premtoi se do t’i jepte përparësi zhvillimit të një linje urbane për të lidhure fshatrat përreth me Vlorën. Kjo do të reduktonte lëvizjen dhe do të ndikonte pozitivisht në punësimin e banorëve por edhe në aksesin e shërbimeve shëndetësore. Ai theksoi gjithashtu rëndësinë e pastrimit të kanaleve vaditëse, që do të rriste prodhimin dhe do të parandalonte përmbytjen e tokës.

“Është shumë e rëndësishme që të fillojmë punën për krijimin e një linje urbani që mund të lidhë fshatrat me qytetin e Vlorës. Kjo do të ndikonte që çdo banor të kishte mundësi punësimi dhe në bizneset që ndodhen në qytet por gjithashtu edhe në aksesin më me lehtësi të shërbimeve të specializuara shëndetësore” tha Dredha.

“Partia Socialiste ka punuar fort që të përmirësojë infrastrukturën rurale dhe për të vazhduar misionin tonë, ne do të marrim hapa konkretë që do të mundësojnë pastrimin e kanaleve vaditëse dhe ato të kullimit të ujërave duke reduktuar përmbytjen e tokave, sidomos gjatë stinës së Pranverës dhe Vjeshtës”,- u shpreh kandidati i Partisë Socialiste për Vlorën.

Në fshatin Poro u zhvillua edhe fushata e mbjelljes së pemëve që do të jetë fokusi kryesor në zgjedhjet vendore të këtij viti nga Partia Socialiste. Fushata synon të bëjë Shqipërinë një vend më të gjelbër dhe më të qëndrueshëm duke mbjellë pemë dhe duke përmirësuar mjedisin.

Me fokus në angazhimin e komunitetit dhe zgjidhjen e problemeve të përditshmërisë, Ermal Dredha dhe Partia Socialiste janë të përkushtuar për të krijuar një të ardhme më të mirë për qytetarët e Vlorës.